Në prag të sfidës së Europa League kundër Lokomotiv Moska, ka dalë në konferencë për shtyp trajneri i Lazios, Maurizio Sarri.
Ai komentoi kështu ndeshjen e nesërme, mbi gjendjen e Immobiles si dhe problematikat që ekipi ka shfaqur në trasnfertë. Për sa i përket ndeshjes së fundjavës ndaj Napolit, tekniku italian preferoi të mos komentonte.
NDESHJA E NESËRME- “Pas ndërrimit të trajnerit ata më duken si një skuadër tjetër. Po performojnë në një nivel më të lartë. Pres një ndeshje të vështirë, duhet ta kalojmë këtë ndeshje për të ecur përpara në Europë. Nuk mund të jetë një ndeshje e thjeshtë. Të dyja ekipet luajnë për pikë”.
NDESHJA NDAJ NAPOLIT- “Ne duhet të injorojmë gjithçka tjetër përveç ndeshjes së nesërme, mendojmë lojë pas loje. Nëse bëjmë llogaritë, gjithçka ngatërrohet. Nëse mendojmë se në 72 orë do të luajmë në transfertë, mund të bëjmë gabime. Nuk më pëlqen të jem shumë i kushtëzuar”.
IMMOBILE- “Ai është mjaft mirë. Bëri stërvitjen e parë dhe të dytë duke thënë se nuk kishte dhimbje, por ndjente ndjesi të ndryshme nga njëri viç te tjetri. Tani kjo ndjenjë është zhdukur, natyrisht pothuajse asgjë nuk është stërvitur”.
PROBLEMET ME NDESHJET NË TRASNFERTË- “Unë nuk mendoj se është një çështje për të nënvlerësuar grupin tonë të Europa League, është nivel kampionësh. Problemi nuk është vetëm europian, më duket se skuadra ka një diferencë në performancën e përgjithshme mes ndeshjeve në shtëpi dhe jashtë saj. Kjo nuk më ka ndodhur kurrë më parë, kështu që nuk mund ta shpjegoj pse, por ne duhet ta rregullojmë këtë: fushat janë të njëjta kudo”.
