Sot (e premte) do të hidhet shorti për fazën e “Play Off”-it të Kupës së Botës.
Me fillim në orën 17:00, në Zyrih të Zvicrës do të hidhet shorti për Kombëtaret e Evropës.
10 kombëtaret që përfunduan kualifikimet në vendet e dyta, si dhe dy nga Liga e Kombeve do të marrin pjesë në short.
Gjashtë skuadrat me rekordin më të mirë të kualifikimit (pikët dhe diferencën e golave) vendosen në vazon 1 dhe gjashtë të tjerat do të futen në vazon 2.
Vazo 1: Itali, Portugali, Rusi, Skoci, Suedi, Uells.
Vazo 2: Austria, Republika Çeke, Maqedonia e Veriut, Polonia, Turqia, Ukraina.
Skuadrat në vazon 1 do të presin gjysmëfinalen në grupin e tyre.
