Ish-sulmuesi i Partizanit, Jasir Asani është në formën e tij më të mirë që pas transferimit në Hungari te skuadra e Kisvardës, duke fituar një vend titullari në formacion.
26-vjeçari u bë protagonist fundjavën që lamë pas duke shënuar dy herë në fitoren e thellë 5-0 të Kisvardës ndaj rivalëve të MTK Budapest.
Sulmuesi luajti për 70 minuta duke shkëlqyer dhe kjo performancë i ka siguruar një vend në formacionin e javës në Hungari.
Asani ka shënuar 4 gola dhe ka dhënë 1 asist, që pas transferimit te skuadra hungareze në korrik të këtij viti.
Teksa u përfol dhe për një rikthim te Partizani, 26-vjeçare fiton formën optimale dhe e bën më të vështirë operacionin pasi Kisvarda zor se do ta lëshonte lehtë me këtë formë që sulmuesi po kalon.
