Lyon u turpërua kundër Reims në shtëpi, duke pësuar humbje me rezultat 2:1 në kuadër të kampionatit francez.
“Xherdan Shaqiri mbetet vetëm spektator për 90 minuta, për të tretën herë radhazi! Çfarë nuk po shkon me lojtarin e kombëtares së Zvicrës?”, pyet media e njohur zvicerane “Blick”.
Misteri i madh i Xherdan Shaqirit, trajneri duhet të jap justifikime.
“Ishte një mbrëmje magjike e asaj të hëne në mes të nëntorit në Luzern. Kombëtarja e Zvicrës e mposhti Bullgarinë me rezultat 4:0, duke siguruar biletën direkt për Kampionatin Botëror në Katar. Flamujt zviceranë, brohoritje, fillon festa e Kupës së Botës. Pikërisht në mes Xherdan Shaqiri”, shkruan mes të tjera “Blick”.
Në mungesë të Kapitenit Granit Xhakës, ‘Shaqa ishte kapiten. Blick’ e vlerëson me notë 6 për ndeshjen e tij të 100-të ndërkombëtare, duke e vlerësuar “i jashtëzakonshëm”.
Por pas festës me kombëtaren vjen çudia. “Shaqiri, në fakt në top formë, nuk luan asnjë minutë në klubin e tij Olympique Lyon!
Paraqitja e tij e fundit në Ligue 1 daton në tetor kur ai luajti kundër Lens për 64 minuta. Më pas ai ka luajtur sërish më 4 nëntor në Europa league kundër Sparta Pragës. Që nga atëherë e tutje për Shaqën do të thotë: shtypje stoli”, shkruan mes të tjera media zvicerane.
Trajneri i Lyonit, Peter Bosz sërish nuk e futi në lojë. Për 12 ndeshje të Ligue 1, Shaqiri ka luajtur 494 minuta lojë. Tani ai është jashtë për 90 minuta, për ndeshjen e tretë radhazi.
Në media të tjera, si “Sport.fr”, Shaqiri është cilësuar si i dështuar.
Lyon do të luajë ndeshjen e radhës jashtë fushe në Bordeaux (20:45) të dielën e ardhshme, ku Shaqiri do të takohet me ish-trajnerin e tij të Kombëares së Zvicrës, Vladimir Petkoviq. Çfarë po ngjan me Shaqirin?
