Interi po tenton prej ditësh të bindë Marcelo Brozovic të rinovojë kontratën, dhe marrëveshja finale është shumë afër.
Mesfushori kroat del lojtar i lirë në fund të sezonit, opsion që drejtuesit e kampionëve të Italisë duan dhe duhet ta evitojnë.
Bisedimet mes tyre dhe agjentit të nënkampionit të botës kanë qenë intensive në ditët e fundit, teksa një takim është programuar ditët e ardhshme.
Sipas raportimeve që vijnë nga vendi fqinj, Interi ka vendosur t’i plotësojë dëshirat dhe kërkesat financiare 29-vjeçarit.
Brozovic e pret një zgjatje kontratë deri në vitin 2025, me rrogën sezonale që do të jetë 6 milionë euro + bonuset, propozim që lojtari do e pranojë.
