“Nëse do të më duhej të vija bast një euro, do të thosha Napoli.
Në fillim të sezonit parashikoja ekipin e Spallettit favorit për titullin në Serie A. Por kujdes nga Interi. Në luftë shoh edhe Milanin, të mos harrojmë Atalantën”.
Me këto fjalë, në mikrofonat e “Rai Radio2”, gjatë formatit “I Lunatici”, Beppe Bergomi analizoi rivalitetin për titull në Itali, që aktualisht është shumë emocionues. Kampioni i botës në vitin 1982, nuk mund të linte mënjanë një koment për axurrët e Mancinit: “Jam i shqetësuar, e kemi ndërlikuar jetën tonë”.
Edhe pse e lidhi të gjithë karrierën e tij me Interin, Beppe tregon se në fëmijëri ka përkrahur Milanin:
“Kam bërë audicion me kuqezinjtë, por më lanë në shtëpi për reumatizëm.
Më pas vendosa të shkoj tek Interi dhe jeta ime ndryshoi. Si fëmijë ëndërroja të bëhesha futbollist, ia dola me përpjekje dhe përkushtim, si dhe falë zgjedhjeve të bëra nga klubi”.
