Ish-mbrojtës i Barcelona-s, Junior Firpo, ka kritikuar ashpër Ronald Koeman, trajneri që e shiti tek Leeds gjatë verës.
“Humba dëshirën time për futbollin dhe kuptova rëndësinë e familjes”, ka thënë Firpo për Cadena SER.
“Kishte gjëra me Koeman që nuk i kam kuptuar, dhe në momente të caktuara ka treguar mungesë respekti ndaj meje dhe shokëve të skuadrës.
“E pyeta pse s’po luaja dhe ai më gënjeu. Unë vazhdoja ta pyesja, por ai më ka thënë gjëra që nuk kishin kuptim, se unë nuk stërvitesha mirë dhe se po helmoja grupin.
“Mund të pyesni pjesëtarët e tjerë të stafit çfarë mendonin për mua. Nuk e di pse ai mendonte se unë kisha një ndikim të keq te grupi, mendoj se i është referuar sjelljes time. Nuk e di si një djalë i ri që sapo kishte ardhur do të ndikojë në mënyrë negative te një grup që ka fituar gjithçka dhe kanë qenë aty gjatë gjithë jetës së tyre”.
Firpo ka luajtur në shtatë ndeshje të La Liga-s nën drejtimin e Koeman në sezonin 2020/21, duke grumbulluar 285 minuta në total. Këtë sezon, nën drejtimin e Marcelo Bielsa-s, ai ka luajtur 10 ndeshje në Premier League, 652 minuta në total.
