Dukagjini nga Klina importon një pikë të madhe nga stadiumi “Liman Gega” në Malishevë.
Ndeshja me rivalitet të madh, sidomos në pjesën e dytë, gjithsej u shënuan 4 gola.
Malisheva dhe Dukagjini ndahen baras, me rezultat 2:2.
Në minutën e 26-të, Dukagjinin e shpëtoi shtylla nga një goditje e fortë e Donart Vitisë.
Në minutën e 43-të, Ergan Ahmeti kalon në epërsi Dukagjinin.
Në minutën e 58-të, Agron Bruqi barazon rezultatin 1:1.
Brenda tre minutave shënohen dy gola.
Kryeziu shënon për 2:1 në minutën e 61-të për Malishevën. Pas dy minutave, në minutën e 63-të, Bujar Shabani barazon rezultatin 2:2.
Dukagjini renditet në vend të tetë me 18 pikë e Malisheva të shtatin me 19 pikë pas 18 jave në elitën e futbollit të Kosovës.
