Java e 13 prodhoi ndeshje mjaft të kujdesshme nga të gjithë skuadrat dhe kjo reflektohet edhe te numri i golave të shënuar, vetëm 5 në po kaq ndeshje, ndërsa në fund ato që buzëqeshin janë pikërisht Laçi e Vllaznia.
Kurbinasit marrin fitoren e tretë radhazi, teksa pas Dinamos e e Kukësit, mposhtin edhe Tiranën e tani e shohin veten në kuotën e 21 pikëve, 6 larg kreut, ndaj mund të quhen me plot gojën pretendentë për titullin kampion.
Nga ana tjetër shkodranët mposhtin 2-0 Skënderbeun dhe ngjiten në kuotën e 23 pikëve, vetëm 4 larg kreut, duke përfituar maksimalisht nga fakti që as Tirana e as Kukësi nuk fituan në ndeshjet përkatëse.
Vijon të bëjë keq Dinamo, që mposhtet edhe në derbin ndaj partizanit dhe komplikon rrugëtimin me tre humbje radhazi, ndërsa Kastrioti fiton sfidën direkte ndaj Egnatias dhe provon t’u afrohet rrogozhinasve që ka mbi vete në renditje.
