Haaland bëri rrugën e tij nëpër të katër anët e Signal Iduna Park të Borussia Dortmundit, duke përshëndetur përkrahësit dhe duke prekur zemrën e tij ndërsa po ecte, një gjest ky që ishte i pazakontë për një ndeshje relativisht të vogël.
A ishte thjesht një reflektim i kohës së vitit, me norvegjezin që e dinte se do të ishte hera e fundit që do të luante para tifozëve vendas këtë vit dhe donte t’i falënderonte ata për mbështetjen e tyre në 2021?
Apo norvegjezi pret që kjo të jetë hera e fundit që luan si lojtar i Dortmundit?
Cilado qoftë e vërteta, ajo ka dhënë kuptime të ndryshme; me superagjentin Mino Raiola në këndin e Haaland, ka të ngjarë që 21-vjeçari të largohet në afatin e janarit, veçanërisht pasi besohet se ka pasur një marrëveshje të heshtur mes tyre dhe Dortmundit.
