Njeriu është e vetmja qenie e gjallë që pengohet dy herë në të njëjtin vend. Tek Arsenali duhet të dimë më mirë këtë. Vendimi për t’i hequr shiritin e kapitenit sulmuesit nga Gaboni, Pierre-Emerick Aubameyang, sjell në kujtesën e shtypit britanik atë që ndodhi me Mesut Ozil.
Mesfushori gjerman, pas një fillimi të bujshëm në skenën e (Emirates), rinovojë kontratën me përmirësim të ndjeshëm të pagës, por më pas performanca e tij ra ndjeshëm, derisa përfundoi në tribunë, duke u paguar shtrenjtë pa dhënë kontribut në fushën e gjelbër.
E njëjta gjë ndodhi edhe me Aubameyang. Sulmuesi i lindur në Francë nënshkroi kontratën e re 3-vjeçare në shtator 2020, por që pas këtij momenti niveli i performancës së tij ka lënë për të dëshiruar.
Edhe pse ishte diçka ekstrasportive që e bëri të humbiste shiritin e kapitenit. Arteta e uli në stol në përplasjen vendimtare kundër Evertonit, për shkak të mungesës së golit këtë sezon, pasi ka realizuar vetëm katër herë në 14 ndeshje në Premier League.
Aubameyan është pranë ditëlindjes së tij të 33-të dhe tani është e vështirë të gjesh një ekip të gatshëm të paguajë një pagë kaq të lartë për të. Arsenali nuk nxori mësime nga ajo që i ndodhi me Mesut Ozil.
