Real Madridi do të mundohet ta rrisë epërsinë në krye të La Ligës ndaj rivalëve për titull, kur të përballet sonte me Cadizin në kryeqytetin spanjoll.
Takimi i javës së 18-të mes Real Madridit dhe Cadizit zhvillohet në Santiago Bernabeu në orën 21:00.
Eden Hazard është titullar për herë të parë që prej muajit shtator, pra pas gati tre muajve.
Hera e fundit kur sulmuesi belg luajti titullar për skuadrën e Carlo Ancelottit ishte në humbjen e 2:1 kundër Sheriff Tiraspolit në Ligën e Kampionëve më 28 shtatorit.
Por Hazardit i është dhënë rasti duke i parë mungesat e mëdha në skuadrën e Madridit, për shkak të rasteve të shumta me Covid-19.
Gareth Bale, Rodrygo Goes, Marcelo, Marco Asensio dhe Andriy Lunin mungojnë shkaku i infektimit me koronavirus. Edhe Luka Modric do të mungojë pavarësisht se doli negativ në testin për koronavirus.
Real Madridi është lider i La Ligës me 42 pikë pas 17 ndeshjeve, pesë më shumë se Sevilla,13 më shumë se kampioni në fuqi Atletico Madrid dhe 15 më shumë se rivali i përjetshëm Barcelona.
Formacionet zyrtare:
Real Madrid: Courtois, Lucas Vázquez, Militao, Alaba, Mendy; Casemiro, Kroos, Valverde; Vinicius Hazard and Benzema.
Cadiz: Ledesma; Akapo, Fali, Cala, Espino; Alejo, Alarcón, Jonsson, Álex Fernández; Nephew and Lozano.
