Klubi i Real Madrid është përfshirë nga një valë e COVID teksa në organikën e trajnerit Carlo Ancelotti kanë rezultuar pesë futbollistë të infektuar nga virusi i rrezikshëm.
Fjala është për Gareth Bale, Asensio, Rodrygo, Lunin dhe Marcelo të cilët tashmë janë të izoluar nga pjesa tjetër e skuadrës.
Megjithatë, edhe pse me virusin “nëpër këmbë”, Vinicius Jr nuk është treguar i kujdesshëm teksa jashtë qendrës stërvitore ka ndalur makinën e tij për të firmosur autografe, por braziliani nuk kishte vendosur maskën.
Në këtë moment, aty kalon edhe Casemiro me mesfushorin që nga makina e tij, i “tërheq veshin” patriotit për t’u treguar më i kujdesshëm në një situatë delikate.
