Llapo nga Podujeva përforcohet me një talent të madh të futbollit.
Është fala për Muhamed Llapashticën, i cili ka nënshkruar për tre vite e gjysmë me fituesin e Kupës së Kosovës.
Llapjanët synojnë të ngjeshin ekipin me lojtarë cilësorë për pjesën e dytë të kampionatit.
“Muhamed Llapashtica nga ekipi U-19 nënshkruan kontratë profesionale.
Pasi debutoi me ekipin e parë në ndeshjen e Kupës ndaj Kikës, mesfushori defanziv, Muhamed Llapashtica, sot nënshkruan për 3 vite e gjysmë me klubin . Mesfushori me tipare defanzive, reprezentuesi i Kosovës U19, 18 vjeçari Muhamed Llapashtica sot ka nënshkruar kontratë profesionale për 3 vite e gjysmë.
Muhamed Llapashtica, i lindur më 09.07.2003. Më parë pjesë e Shkollës së Futbollit 'Podujeva' kurse tashmë e tre vite pjesë e Akademisë tonë, ku ka shkëlqyer me paraqitje në kategorinë U17 si dhe në dy edicionet e fundit pjesë e U19 ku ishte ndër mesfushorët më të mirë të kësaj gjenerate.
Muhamed Llapashtica llogaritet si njëri ndër futbollistët me më së shumti potencial dhe klubi pret shumë nga ai në të ardhmen”, njofton FC Llapi.
