Gjigandi spanjoll Real Madrid është duke e monitoruar situatën e mbrojtësit të Liverpoolit Joe Gomez, dhe spekulohet se dëshiron ta transferojë atë gjatë verës së ardhshme.
Këtë sezon Gomez nuk është duke kaluar nëpër momente të mira me Liverpoolin, ku shihet nga trajneri Jurgen Klopp si zgjedhja e katërt pas Van Dijk, Matip dhe Konate.
Spekulimet për një largim të Gomez nga Liverpooli vetëm vazhdojnë të rriten, dhe thuhet se vetë lojtari mund të kërkojë që të largohet në formë huazimi në këtë janar.
Real Madridi është i interesuar që ta përforcojë repartin e mbrojtjes nga sezoni i ardhshëm, dhe përveç Gomez në të cilin kanë shprehur interesim, “Galaktikët” janë duke i monitoruar edhe mbrojtësit si Antonio Rudiger, Jules Kounde, Pau Torres dhe Matthijs de Ligt.
