Kanë përfunduar të tri ndeshjet e Carabao Cup, ku kemi pasur disa rezultate tejet interesante.
Pas 90’ minutave lojë të zhvilluara, Chelsea ka shënuar fitore si mysafirë me rezultat 2:0 kundër Brentford, përmes golit të Jorginhos dhe autogolit të Jansson.
Ndërkaq, në derbin londinez mes Tottenham dhe West Ham United triumfues ishin skuadra e Antonio Contes, e cila mposhti “Çekanët” me rezultat të ngushtë 2:1.
Kurse në ndeshjen mes Liverpoolit dhe Leicesterit u deshën penalltitë për ta vendosur fituesin e ndeshjes, pasi që pas 90’ minutave lojë rezultati ishte i barabartë 3:3, ku më pas “Të Kuqtë” e Jurgen Klopp arritën ta eliminojnë Leicesterin në çerekfinale të kësaj gare.
Me fitoret e sotme, Chelsea, Tottenham dhe Liverpooli i bashkohen Arsenalit në gjysmëfinale të Carabao Cup.
Rezultatet finale të ndeshjeve të Carabao Cup i gjeni më poshtë.
Brentford 0 – 2 Chelsea
Liverpool 3 – 3 Leicester (Pas penalltive 5 – 4 në favor të Liverpoolit)
Tottenham 2 – 1 West Ham United
