Carlo Ancelotti, trajneri i Real Madridit, thotë se është me fat që ka një lojtar si Karim Benzema në skuadrën e tij.
Në një intervistë për AS, Ancelotti e ka quajtur Benzeman “sulmuesi më i mirë në botë”.
Benzema shkëlqeu në ndeshjen e fundit për vitin 2021, duke shënuar dy gola për t’ia dhuruar tri pikë Realit.
“Benzema, sulmuesi më i mirë në botë? Mendoj se po, sepse tani ai i shton futbollit të tij aftësi të mëdha dhe qëndrueshmëri në shënim.
Ai ka po aq sa Cristiano Ronaldo apo Haaland. Benzema është një lojtar që bën diferencën.
Sapo e pamë sërish në ndeshjen kundër Athletic, me dy gola në një kohë shumë të shkurtër. Është në formë spektakolare”, u shpreh Ancelotti për AS.
Benzema numëron 20 gola në 23 paraqitje deri më tani.
