Manchester United thuhet se është i gatshëm të paguajë klauzolën e lirimit të sulmuesit të River Plate, Julian Alvarez, prej 17 milionë funte.
21-vjeçari që vlerësohet me perspektivë të madhe është shumë i kërkuar, me Barcelonën, Real Madrid, Bayern Munich dhe Inter Milan që gjithashtu monitorojnë përparimin e tij.
Siç raporton ‘Sport’, United janë të vendosur të nënshkruajnë me Alvarez, i cili ka shënuar 18 gola në 21 ndeshje në ligë këtë sezon.
Trajneri i përkohshëm i United, Ralf Rangnick është i vendosur të forcojë opsionet sulmuese të ekipit të tij dhe Alvarez shihet si një lojtar që mund të ndihmojë klubin në atë repart.
Alvarez, i cili përparoi në radhët e akademisë së River Plate, është një përfaqësues i lartë i Argjentinës.
Rangnick tashmë mund të thërrasë lojtarë si Cristiano Ronaldo, Edinson Cavani, Mason Greenwood dhe Marcus Rashford, por United ende po kërkon të forcohet.
Agjenti i Alvarez, Fernando Hidalgo thuhet se do të fluturojë për në Angli për të diskutuar një marrëveshje.
Deri më tani këtë sezon United ka shënuar 30 gola në Premier League – 21 më pak se lideri Manchester City, i cili ka luajtur edhe dy ndeshje të tjera.
Ka qenë një sezon jo konsistent për United deri më tani – ata aktualisht janë në vendin e shtatë në ligë.
Të hënën United pret Wolves, me skuadrën e Rangnick që kërkon të vazhdojë me fitoren e tyre 3-1 kundër Burnley.
