Ralf Rangnick thuhet se u tha drejtuesve më të lartë në Manchester United se mesfusha e tyre ishte ‘e dobët’ gjatë intervistës së tij për rolin e menaxherit të përkohshëm muajin e kaluar.
Trajneri gjerman i bëri përshtypje drejtorit të futbollit John Murtough, drejtorit teknik Darren Fletcher dhe nënkryetarit ekzekutiv Ed Woodward gjatë bisedimeve për rolin e përkohshëm, ku ai vuri në dukje se ku duhej të përmirësohej skuadra për t’i rikthyer sërish titujt e fituar.
Sipas ‘ESPN’, Rangnick thuhet se ka caktuar Amadou Haidara të RB Leipzig, yllin e Borussia Dortmundit Jude Bellingham dhe Kalvin Phillips të Leeds si objektiva të mundshëm në afatin kalimtar për repartin e mesfushës.
Raporti vazhdon të pretendojë se sulmuesi i Dortmundit, Erling Haaland është gjithashtu një tjetër objektiv kyç që United duhet të ndjekë verën e ardhshme.
United janë të gatshëm të mbështesin Rangnick në afatin kalimtar të janarit, por si menaxheri ashtu edhe klubi presin që të jetë mjaft e qetë, me lojtarët që largohen nga Old Trafford më lart në axhendë.
