Adana Demirspor ka njoftuar se italiani Mario Balotelli ka rezultuar pozitiv me COVID-19 gjatë pushimeve të tij në qytetin italian, Brescia.
Sulmuesi u kthye në Itali gjatë festimeve dhe bëri një test përpara se të fluturonte për në Turqi.
Megjithatë, ai doli pozitiv për COVID-19 dhe do të qëndrojë në izolim në shtëpinë e tij në Itali.
Deklarata nga Adana Demirspor vë në dukje se Balotelli ndjeu ‘simptomat’ e coronavirusit përpara se të bënte testin e tij.
Nuk dihet nëse sulmuesi 31-vjeçar është i vaksinuar apo jo.
“Edhe njerëzit e fortë kanë nevojë për një përqafim”, shkroi Balotelli në një mesazh të postuar në Instagram.
Ndryshe, Balotelli ka ri-gjetur formën e tij në Turqi, duke shënuar tetë herë dhe duke asistuar katër herë në 20 ndeshje deri më tani këtë sezon.
