Steven Gerrard ka dhënë një vlerësim të shkëlqyeshëm për Philippe Coutinho-n ndërsa Aston Villa po punon për një marrëveshje për të nënshkruar ish-bashkëlojtarin e tij në Liverpool nga Barcelona.
Villa po tregon një interes të madh për Coutinhon, i cili është jashtë favorit në Spanjë, pasi ai dhe Gerrard luajtën së bashku në Anfield nga 2013-15.
Bosi i Villas nuk do të diskutonte specifikat e një transferimi të mundshëm, por ishte e qartë se sa e vlerëson ai Coutinhon, i cili u transferua te Barça nga Liverpool për 142 milionë funte në janar 2018.
“Ai është një futbollist i mrekullueshëm”, tha Gerrard. “Të ndash dhomën e zhveshjes dhe një fushë me Coutinhon ishte një kënaqësi absolute sepse ai është në një nivel që shumë pak futbollistë janë".
“Imagjinata e tij, kreativiteti i tij, janë vetëm disa nga vetitë kryesore të tij të pabesueshmë. Unë mendoj se emri i tij flet vetë".
“Ajo që nuk do të bëj këtu apo diku tjetër është të flas për lojtarë që i përkasin klubeve të tjera, kjo nuk është e drejtë apo respektuese".
“Por unë e vlerësoj që emri i tij është atje dhe ai është i lidhur me Aston Villan, por ai është gjithashtu i lidhur me pesë ose gjashtë klube të tjera në këtë ligë".
“Jam i sigurt se do të ketë një listë të gjatë të klubeve të huaja të lidhura me shërbimet e Philippe, si dhe ju po flisni për një lojtar të klasit botëror".
“E kuptoj dhe e respektoj, por nuk mund të jap asgjë më shumë se kaq”, ka përfunduar braziliani.
