Me fillim nga ora 20:45 do të fillojë derbi mes gjigandit italian Juventus dhe skuadrës së Napolit, ndeshje kjo e vlefshme për xhiron 20 të Serie A.
Në xhiron e fundit, Juventusi shënoi fitore me rezultat solid 2:0 kundër Cagliarit, kurse Napoli u mposht si vendas nga Spezia me rezultat minimal 1:0.
Momentalisht, të dy skuadrat i ndajnë pesë pikë në tabelë, ku Juventusi zë vendin e pestë në tabelë me gjithsej 34 pikë, krahas Napolit që renditet në vendin e tretë me 39 pikë të tubuara.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Juventusin nuk do të paraqiten Arthur, Bonucci, Chiellini, Danilo, De Winter dhe Pinsoglio, kurse te Napoli nuk do të paraqiten Anguissa, Elmas, Koulibaly, Lozano, Malcuit, Meret, Osimhen, Ounas dhe Rui.
Formacionet zyrtare të dy skuadrave i gjeni më poshtë.
Juventus (4-2-3-1): Szcesny; Sandro, De Ligt, Rugani, Cuadrado; McKennie, Rabiot; Bernardeschi, Locatelli, Chiesa; Morata
Napoli (4-2-3-1): Ospina; Di Lorenzo, Rrahmani, Jesus, Ghoulam; Lobotka, Demme; Politano, Zielinski, Insigne; Mertens
