Sipas raportimeve të shumta në Itali, agjenti i Julian Alvarez, Fernando Hidalgo, ka zbarkuar në Itali për të takuar Interin dhe Milanin.
Ylli i River Plate po konsiderohet si një nga lojtarët më me përspektivë në Argjentinë, pasi ka shënuar 18 gola në 21 ndeshje në ligë sezonin e kaluar.
21-vjeçari, kontrata aktuale e të cilit do të skadojë në fund të vitit (30 dhjetor 2022) kërkohet nga shumë klube kryesore të Evropës, duke përfshirë Juventusin, Interin dhe Milanin. Edhe Fiorentina po monitoron 21-vjeçarin.
Sipas ‘La Gazzetta dello Sport’ dhe ‘Sky Sport Italia’, Hidalgo, ish-agjenti i Hernan Crespos dhe ish-sulmuesi i Interit dhe Milanit, ka zbarkuar në Itali për t’u takuar me skuadrat milaneze.
Drejtori i Interit, Dario Baccin, e ka zbuluar personalisht sulmuesin në Argjentinë në fund të vitit 2021 dhe ka qenë në kontakt me agjentin e lojtarit për një kohë të gjatë.
Alvarez ka një klauzolë lirimi prej 20 milionë euro të përfshirë në kontratën e tij dhe agjenti i tij ka të ngjarë të fluturojë në Londër dhe Madrid në ditët në vijim për të takuar United dhe Atletico.
