Roma ka zyrtarizuar dje transferimin e Ainsley Maitland-Niles.
Lojtari ka kaluar në formë huazimi nga Arsenal tek Roma dhe do ta mbyll sezonin në ‘Stadio Olimpico’,
Para se të nis aventurën e tij, lojtari ka dhënë disa komente për lëvizjen e tij dhe është shprehur shumë i lumtur. Ai ka thënë se Jose Mourinho është në mesin e trajnerëve më të mirë në botë.
“Unë vendosa të vij këtu për veten time, karrierën time dhe të ardhmen time – dhe për të ndihmuar skuadrën. Kështu që jam këtu tani, i gatshëm për të punuar”, ka thënë Maitland-Niles.
“Është e madhe. Ai(Mourinho) është një nga trajnerët më të mirë në botë – nëse jo më i miri. Ai ka fituar shumë tituj dhe është person i shkëlqyer. Të punoj me një trajner të tillë; s’mund të kërkoj më shumë si lojtar”, shtoi i riu.
Maitland-Niles nuk gjeti hapësirat e nevojshme tek Arsenal, nën urdhrat e Mikel Arteta. Roma pritet të jetë një mundësi e mirë për të treguar aftësitë e tij.
