Sonte me fillim nga ora 18:30 në stadiumin “Olimpico” do të zhvillohet derbi mes AS Romas dhe gjigandit italian Juventusit, ndeshje kjo e vlefshme për xhiron e 21 të Serie A.
Në xhiron e fundit, Juventusi barazoi me rezultat 1:1 me Napolin, kurse Roma pësoi humbje me rezultat 3:1 nga Milani.
Momentalisht, të dy skuadrat i ndajnë vetëm tre pikë në tabelë, ku Roma zë vendin e shtatë në tabelë me gjithsej 32 pikë, tre sosh më pak se Juventusi që renditet në vendin e pestë.
Sa i përket ndeshjes së sotme, mungesa të lojtarëve do të ketë te të dy ekipet, ku për Romën nuk do të paraqiten Darboe, Diawara, Fuzato, Karsdorp, Mancini dhe Spinazzola, kurse te Juventusi mungojnë Alex Sandro, Bonucci, Danilo dhe Pinsoglio.
Tanimë të dy trajnerët kanë publikuar formacionet me të cilat do ta fillojnë këtë ndeshje, dhe ato zyrtare i gjeni më poshtë.
AS Roma (3-5-2): Rui Patricio; Ibanez, Cristante, Smalling; Maitland-Niles, Pellegrini, Veretout, Mkhitaryan, Viña; Felix, Abraham
Juventus (4-3-3): Szczesny; De Sciglio, De Ligt, Rugani, Cuadrado; Bentancur, Locatelli, McKennie; Chiesa, Kean, Dybala
18:30 AS Roma – Juventus (Stadiumi Olimpico)
