Real Madrid dhe PSG tashmë kanë bërë ofertat për qendërmbrojtësin e Chelseas, Antonio Rudiger.
Gjermanit i skadon kontrata në verë dhe me këtë situatë momentale, pritet që në verë të largohet nga “Stamford Bridge” si agjent i lirë.
Dy klubet më të interesuara për Rudiger, janë PSG dhe Real Madrid, të cilët raportohen se edhe kanë bërë oferta.
PSG i ka ofruar Rudigerit pagë prej 7 milionë euro për vit, derisa oferta e Real Madridit është edhe më e ulët, sidoqoftë, skuadra madrilene shihet si destinacioni i radhës.
Rudiger është më i hapur për kalimin në “Santiago Bernabeu” para “Parisienëve”, kështu se paku raporton gazetari i Foot Mercato, Santi Aouna.
Ndërkohë, Bayern Munich në të kaluarën ka shprehur interesim, por ende s’ka bërë ndonjë ofertë zyrtare.
