Transferimi më i fundit i Aston Villas, Philippe Coutinho pritet të debutojë ndaj Manchester Unitedit në Premierligë pasi kompletoi huazimin nga Barcelona.
29-vjeçari ka kryer dje me sukses testet mjekësore te Aston Villa dhe do t’i bashkohet bashkëlojtarëve nesër (e mërkurë).
“Sky Sports News” raporton se Coutinho do jetë gati për ndeshjen ndaj Villas për ndeshjen e dytë, pasi dje “Djajtë e Kuq” i eliminuan nga FA Cup.
Trajneri Steven Gerrard me shumë gjasa nuk do e lejojë të jetë titullar pasi braziliani është shëruar nga COVID-19 para disa javëve, por mund të bëjë debutimin duke hyrë në fushë si zëvendësues.
Coutinho i është bashkuar Aston Villas në formë huazimi nga Barcelona deri në fundin e sezonit, me një marrëveshje që përfshin opsionin e blerjes për 33 milionë euro.
Braziliani ndeshjen e fundit në Premierligë e zhvilloi me Liverpoolin në dhjetorin e vitit 2017, duke shënuar 54 gola dhe dhuruar 45 asistime për “Reds”.
