Një opinion i shkëlqyer është ai i ish-mesfushorit anglez, Paul Scholes, për atë se çfarë do t’i duhej Manchester United që të rikthehet në krye të Premier League dhe në Evropë.
Ish-lojtari i “Djajve të Kuq” ka ekspozuar idenë e tij, mbi të gjitha në lidhje me drejtuesin teknik që duhet t’i besohet skuadra nga “Old Trafford”. Duke folur në podcastin “Webby & O’Neill”, Scholes tha:
“Unë do të doja të shihja Conte ose Pochettino të drejtonin Manchester United. Njërin nga këto trajnerë do të dëshiroja. Ne e dimë se Conte është në të njëjtin nivel me Guardiolën, Klopp dhe Tuchel.
Është fakt: Manchester United ka nevojë për një trajner të tillë. Tifozëve të Tottenham nuk do t’iu pëlqejë kjo, por dua të sugjeroj se Manchester United duhet të përpiqet ta marrë atë në verë.
Tashmë e vini re që Conte është i zemëruar me lojtarët e Tottenham, ai dëshiron diçka ndryshe. Te Manchester United, ai mund të bëjë diçka të veçantë. Unë gjithashtu mendoj se Pochettino është një trajner i madh. Më pëlqen ajo që bën, e ka treguar veten edhe më parë, kur drejtonte Tottenham”.
