Martial ende nuk ka zhvilluar asnjë ndeshje nën urdhrat e Rangnick ngase është duke u shëruar nga lëndimi që pësoi muajin e kaluar.
Sipas “90min”, Sevilla ishte e interesuar dhe Martial dëshironte këtë transferim, mirëpo marrëveshja nuk u arrit shkaku i problemeve për pagë.
Me marrëveshjen e dështuar te Sevilla, Martial kërkohet edhe nga klubet e tjera të mëdha. Newcastle United e ka konsideruar si opsion, por tani është e fokusuar te ‘shënjestra’ tjera.
Ndërkohë, Juventus tani është favoriti për të huazuar Martial deri në fundin e sezonit me opsion blerje, derisa bisedimet do nisin shumë shpejtë.
Me humbjen e sulmuesit Federico Chiesa që pësoi lëndim në ligamente të gjurit, “Zonja e Vjetër” ka nevojë për një sulmues të ri dhe Martial shihet si opsioni adekuat.
Martial gjithashtu është i hapur për mundësinë e kalimit në Torino dhe nuk do e refuzojë këtë opsion.
