Një nga transferimet më të bujshme në merkaton e verës së kaluar edhe pse me kosto zero, ishte kalimi i Lionel Messi te PSG.
Prej problemeve finanaciare të Barcelonës, ylli argjentinas u detyrua t’i jepte lamtumirën klubin ku u formua teksa edhe një reduktim i rrogës nga ana e tij nuk mjaftoi për të qëndruar në Camp Nou.
Sakaq, reduktimin e pagës në atë moment për të ndihmuar në qëndrimin e Messit në Spanjë, e morën përsipër edhe Jordi Alba me Sergio Busquets. Mirëpo, ndryshe nga këta veteranë veproi Gerrard Pique.
Spanjolli në fakt, vendosi ta reduktonte pagën vetëm pasi u largua nga Messi dhe ky gjest nuk i ka pëlqyer aspak “pleshtit”.
Kështu, mes dy shokëve të ngushtë pati një “krisje” e cila në fakt është konkretizuar edhe kur Messi para disa ditëve u rikthye në Barcelona teksa konsumoi edhe një darkë me Albën dhe Busquets.
Dhe, aty mungonte pikërisht Pique i cili nuk kishte marrë një ftesë nga ana e 34-vjeçarit, i cili beson se me një ulje të pagës nga mbrojtësi, mund të kishte më shumë shanse për të mbetur në Barcelonën.
