Toni Kroos nuk fshihet dhe në një intervistë e pranon hapur që Kylian Mbappe është objektivi i madh i Realit të Madridit në merkato. Në një intervistë ku foli për disa tema, mesfushori gjerman nënvizoi se do t’i pëlqente të shihte talentin francez të mbante veshur fanellën e Los Blancos.
“ Gjithçka do të varet nga situata me kontratën e tij, por nuk surprizohem aspak që Reali kërkon ta marrë, pasi bëhet fjalë për një lojtar të madh. Nuk është aspak sekret që Reali i Madridit dëshiron të firmosë me të.
Në 8 vitet e mija që jam pjesë e Los Blancos janë përmendur shumë emra por vetëm 20% e tyre kanë mbrritur këtu”, theksoi fillimisht Kross i cili foli edhe për për të ardhmen e tij dhe rëndësinë e Carlo Ancelottit në skuadër.
“ Dua ta përfundoj karrierën time te Reali i Madridit, unë dhe familja ime ndihemi mirë në Madrid, kam edhe 1 vit e gjysmë kontratë dhe dua ta respektoj atë. Ancelotti është shumë i rëndësishëm për skuadrën, ai di si të sillet me futbollistët dhe merr më të mirën nga të gjithë”, theksoi Toni Kroos.
