Skuadra e Laçit ka shënuar një fitore shumë të rëndësishme në xhiron e 18-të të Superligës së Shqipërisë duke e mposhtur Partizanin me rezultat minimal 1-0.
Goli i vetëm i ndeshjes u realizua nga Lushkja në minutën e 80-të të ndeshjes që ia siguroi tri pikë shumë të vlefshme skuadrës së tij.
Si rezultat i kësaj fitoreje, Laçi arrin në kuotën e 34 pikëve dhe pozicionohet në vendin e dytë me 34 pikë, gjashtë më pak se lideri Tirana.
Sfida tjetër e kësaj xhiroje, ajo ndërmjet Egnatias dhe Dinamo Tiranës përfundoi me barazim 1-1. Për vendasit shënoi Ademi në minutën e 56’ duke rikthyer baraspeshën pasi në minutën e 8’ të ndeshjes, Dinamo Tirana kishte kaluar në epërsi me golin e Ibraimit.
