Siç duket, Ousmane Dembele do të mbetet në Barcelonë, të paktën deri në qershor, në fund të edicionit 2021/22.
Kjo konfirmohet nga eksperti i transferimeve, Fabrizio Romano.
Disa klube ishin në bisedime për transferimin e tij, megjithatë asnjë marrëveshje nuk është arritur.
Sulmuesit francez i skadon kontrata në verë dhe Barcelona pritet ta humbasë falas futbollistin për të cilin pagoi mbi 125 milionë euro.
Shumicën e kohës, ai e kaloi në infermieri, duke pësuar lëndime të njëpasnjëshme, duke mos arritur të tregonte asnjëherë potencialin që posedonte.
