Nagelsman: Te Bajerni nuk ngopen me trofe!
Trajneri i Bajernit, Julian Nagelsman, u intervistua nga trajneri i basketbollit të skuadrës bavareze, të dy në profile të njëjta edhe pse në sporte të ndryshme. 34- vjeçari që drejton bavarezët, tregoi për ndryshimin mes tyre pavarësisht se në disa pika puna e tij me atë të Andrea Trinkierit ishte e njëjtë.
Keni shfrytëzuar këtë kohë pushimi për të parë ndeshjet e NBA-së?
"Jo shumë, pasi më duhet të punoja për ndeshjen e ardhshme. Sigurisht që basketbolli ka luajtur një rol të rëndësishëm në jetën time kur isha i vogël. Edhe pse më duhet të shkoja në shkollë, sërish gjeja kohën për të parë ndeshjet e forta", thotë Nagelsman.
Sa e rëndësishme është për një trajner të Bajernit të njohë historinë e klubit?
"Historia e një klubi me traditë si Bayerni të detyron të mësosh historinë e tij. Kur sheh të shkuarën, kupton se je i detyruar të fitosh tituj me këtë skuadër. Mos harro kurrë se nga ke ardhur.
Përgjegjësinë që ke pasur dhe vështirësitë që ke hasur për të ardhur këtu. Të gjithë e dinë se sa vlerë ka klubi i Bajernit dhe vlerat që përfaqëson historia.
Prandaj, e thashë dhe më sipër që është një privilegj i madh për mua që jam këtu në këtë klub të madh, më të madhin në historinë e Bundesligës", thotë Nagelsman.
