Klubi i futbollit Ballkani ka njoftuar se edhe zyrtarisht e ka transferuar sulmuesin holandez Dilivio Hoffman.
Lajmi është konfirmuar pasditen e së martës përmes njoftimit në faqez zyrtare të klubit nga Suhareka.
Sulmuesi 24-vjeçar ka firmosur kontratën me Ballkanin deri në verën e vitit 2024 duke u bërë në këtë mënyrë përforcimi më i ri i skuadrës.
Në të shkuarën, Hoffman ka luajtur në kampionatin holandez me ekipe si Twente , Den Bosch , De Treffers si dhe së fundmi ishte pjesë e ekipit Tec.
Ndryshe, Ballkani po lufton për titullin kampion në Superligën e Kosovës dhe momentalisht renditet në vendin e tretë me 33 pikë, dy më pak se lideri i tabelës Gjilani.
