Mësohen tre emrat e ekipeve gjysmëfinaliste!
FSHF Cup, kompeticioni i futbollit amator 9×9 që organizohet nga Departamenti i Futbollit Amator në Federatën Shqiptare të Futbollit ka zhvilluar mbrëmjen e së hënës tre nga katër përballjet e fazes çerekfinale të këtij edicioni të dytë, duke përcaktuar edhe gjysmëfinalistët.
Primo siguroi një biletë për në fazën tjetër, teksa mundi me shifrat 3-1 ekipin e Futura Dent, ndërsa me po të njëjtat shifra përfundoi edhe ndeshja ATS – Homeland Triumph, me ekipin e ATS që kalon kështu në gjysmëfinale. Vila L u mund nga skuadra e Dussel, me rezultatin 2-1, duke siguruar gjithashtu gjysmëfinalen.
Sakaq, këtë të martë në kompleksin “Skënder Halili” do të zhvillohet edhe ndeshja tjetër çerekfinale mes Prestige – Jata Market, që do të përcaktojë edhe ekipin tjetër gjysmëfinalist.
