Zlatan Ibrahimoviç vazhdon akoma të luajë në nivele të larta. Edhe pse në moshën 40 vjeçare, suedezi po zhvillon paraqitje të mira edhe pse në disa raste ka qenë i dëmtuar.
Por këtu qëndron e çuditshmja. Pa Ibrën në fushë, skuadra e Milanit ka grumbulluar më shumë pikë. Një rastësi apo paradoks? Megjithatë numrat flasin vetë dhe nuk gënjejnë. Zlatan është golashënuesi i ekipit në kampionat dhe deri më tani ka shënuar deri tani 8 gola në Seria , 2 më shumë se Leao dhe 3 më shumë se Zhiru. Por le të shohim krahasimet.
Me Ibrën në fushë
Suedezi ka luajtur 11 ndeshje dhe gjatë kësaj periudhe kuqezinjtë kanë regjistruar 4 fitore, 3 barazime dhe 4 humbje. 18 gola të shënuar dhe 15 të pësuar.
Pa Ibrën në fushë
Me 40 vjeçarin jashtë formacionit, ose të futur nga fundi i lojës, Milani ka fituar 11 ndeshje dhe ka barazuar 1.
Sulmuesi është në dyshim për derbin ndaj Interit, por nëse shohim këto statistika, atëherë mungesa e tij nuk përbën problem për skuadrën e Piolit.
