Pika e kthesës së Shaqirit të madh!
Është një tjetër kapitull në karrierën e tij, Xherdan Shaqiri (30-vjeçar) shkëlqen me një gol dhe një asistim kundër Marseille-s.
Në fund të fundit, a do të jetë gjithçka mirë në Lyon?, shkruan mes të tjera “Blick”.
“Në vitin 2012, Shaqiri kaloi te Bayern Munih dhe grumbullonte trofe: fitoi dy herë kampionatin dhe në vitin 2013 fitoi edhe Champions League dhe Kupën e Botës.
Xherdan Shaqiri
Në vitin 2021, Shaqiri prezantohet si një transferim i madh te Lyoni. Por as me francezët nuk ia del mbanë dhe shpejt humb vendin titullar. Por tani duket se po rritet sërish”, shkruan mes të tjerash media zvicerane.
“Xherdan Shaqiri kërcen, hedh një shishe uji në dysheme dhe feston në kabinën e Lyonit. Më pas ai është i rrethuar nga një tufë gazetarësh.
Kthesa Shaqiri! Për herë të parë që nga viti 2018 në fitoren 3:1 të Liverpoolit ndaj Manchester United, kur ai shënoi dy gola, ai ka dy pikë shënimi për klubin. Në ndeshjen e tij të parë 90-minutëshe për Lyonin, ai shënoi me kokë për barazimin 1:1 kundër Marseilles dhe vendosi fitoren (2:1) pas asistimit te Dembeles”, shkruan media e madhe zvicerane.
“Krenar” - thotë ai. “Është e pabesueshme ajo që bëri skuadra pavarësisht të gjitha mungesave”. Shoku i skuadrës Jerome Boateng vështirë se mund ta besojë. “Shaq, a kam pa ëndërr apo vërtet që ke shënuar me kokë?!
Por pse papritur ishte Shaqiri në 11-shin startues? Ai përfitoi nga mungesat.
Shaqiri thotë: “Si futbollist gjithmonë ke ulje-ngritje, i di cilësitë e mia. Unë e di se çfarë mund t'i jap këtij ekipi. Do të vazhdoj dhe do të jap gjithçka në stërvitje dhe në lojëra”.
Uljet dhe ngritjet e tij: Fitues i dyfishtë me Baselin. I fortë në vitin e parë të Bayernit nën drejtimin e Jupp Heynckes me titullin e Champions League. I larguar nën drejtimin e Pep Guardiolës. Dështoi në Inter Milan.
U ngrit përsëri në Stoke. Ka dhënë një moment kulmor në Liverpool kundër Manchester United dhe përndryshe më shumë në stol dhe i lënduar.
A do të jetë gjithçka në rregull tani?
Nuk është aq e lehtë. Nuk janë harruar titujt në L'Equipe në fund të dhjetorit se donin ta shisnin. Marrëdhënia me trajnerin Peter Bosz, i cili shpesh e linte në bankë dhe për situatën e tensionuar.
Ndërsa Shaqiri luan në Lyon, presidenti i Sionit, Christian Constantin, flet në “Rhône FM”.
“Shaqiri donte që të shiheshim të martën për shkak të mungesës së minutave të lojës në Lyon”, thotë ai. Në prag të Kupës së Botës, ai po kërkonte një klub ku do të kishte më shumë minuta për të luajtur”.
Sigurisht që do të kishte qenë gati. Ai thotë se pas ndeshjes me Marseillen, tashmë çështja është zgjidhur.
