Sipas spekulimeve të fundit, Roma mund të jetë e gatshme që ta shes Nicolo Zaniolon për vetëm 40 milionë euro, ku interesim në shërbimet e sulmuesit italian kanë shprehur Juventusi, Tottenhami dhe skuadra e Milanit.
Komentet këtë javë nga drejtori gjeneral i Romës Tiago Pinto përhapën spekulime të shumta në të ardhmen e Zaniolos, ku Pinto kishte thënë që nuk mund të garantojë nëse sezonin e ardhshëm lojtari do të jetë në “Olimpico”, përcjell KosovaPress.
Kontrata aktuale e Zaniolos me Romën përfundon në qershor të vitit 2024, dhe bisedimet për rinovim tani kanë hasur në probleme.
Tani, siç raportohet nga “Calciomercato”, Roma do të jetë e gatshme që të pranojë një ofertë prej 40 milionë eurosh për sulmuesin italian.
Këtë sezon, Nicolo Zaniolo ka arritur të bëjë 26 paraqitje në të gjitha garat për Romën, duke regjistruar katër gola dhe pesë asistime mbi emrin e tij.
