Sot do të zhvillohen tri ndeshje të tjera në 1/8 e finales në Kupën e Kosovës.
Ndeshja më interesante do të zhvillohet në Lipjan, ku Prishtina do të përballet me Drenicën.
Dy rivalët elitarë sa herë janë përballur kanë zhvilluar ndeshje interesante dhe njëjtë pritet të ndodhë edhe sot.
Takim mjaftë interesant pritet të jetë edhe në Suharekë, ku përballë njëra tjetrës janë dy skuadra tjera nga elita e futbollit kosovar, Ballkani dhe Malisheva.
Ndërkohë dueli i fundit i ditës së sotme zhvillohet në kryeqytet, ku Fushë Kosova nga Liga e Parë pret Dritën.
Prishtina, Drita e Ballkani së bashku me Gjilanin e Llapin janë skuadrat favorite për ta fituar Kupën e Kosovës, por nuk duhet përjashtuar edhe skuadrat tjera pasi në këtë garë gjithmonë ka befasi të këndshme.
Formacionet zyrtare:
Ballkani:Frashëri, Armend Thaqi, Hoxha, Dellova, As.Thaqi, Kuc, Gashi, Gripshi, Korenica, Baftiu, Krasniqi.
Malisheva: Gashi, Kryesiu Gerbeshi, Pira, Dumani, Vitija, Bruqi, Pefqeli, H.Hyseni, Sobowale, Marc-Olivier.
