Superliga e Kosovës rikthehet në fundjavë pas një pushimi të gjatë.
Do të zhvillohen ndeshjet e xhiros së 19-të ku pritet të ketë përballje tejet interesante.
Në luftë direkte për titull janë edhe dy skuadrat gjilanase, Gjilani dhe Drita, me të parët lider në tabelë, të ndjekur në vendin e dytë nga bardhekaltrit.
Megjithatë, në këtë fillim të stinorit pranveror dy skuadrat me rivalitet të madh nuk do t’i zhvillojnë ndeshjet në shtëpi.
Gazeta Olle mëson se në pesë xhirot e ardhshme dy skuadrat nuk do t’i luajnë ndeshjet vendase në stadiumin e qytetit, për shkak të ndërrimit të tapetit.
Mbetet të shihet nëse këto ndryshime do të kenë pasoja në paraqitjen e futbollistëve të “Skifterave” dhe “Intelektualëve”, në fushën e lojës.
