Ndeshje e çmendur mes Konyaspor-it e Kasimpasa-s, e cila përfundoi me rezultat 4:4!
Në minutën e 90+10, zëvendësuesi Sokol Cikalleshi shënoi nga penalltia dhe shmang humbjen e Konyaspor-it.
Një ndeshje për t’u mbajtur mend, derbi mes shqiptarëve.
Amilton (28'), Rahmanoviq (40'), Dikmen (52'), Cikalleshi (90+10-nga penalltia) shënuan për Konyaspor-in dhe Ben Ouanes (7'), Hajradinoviq (46'), Bozok (60'-nga penalltia), Mabil (90+1') realizuan për Kasimpasa-n.
Zymer Bytyqi u paraqit standard dhe zëvendësua në minutën e 66-të e Cikalleshi futet në lojë në minutën e 81-të e Endri Çekiqi në atë të 83-tën për Konyaspor-in dhe Florent Hadërgjonaj standard për Kasimpasa-n.
Hadërgjonaj u ndëshkua me karton të verdhë në minutën e 87-të. Pas javës së 26-të në elitën e futbollit turk, Konyaspor është në vend të dytë me 39 pikë e Kasimpasa e 13-të me 29.
