Java e 22-të e Superligës së Kosovës vazhdon sot me tri ndeshje që janë në program për t’u zhvilluar, shkruan Insporti. Sot me fillim nga ora 13:30 zhvillohet derbi mes Prishtinës dhe Gjilanit, në stadiumin e qytetit në Suharekë.
“Bardhekaltrit” duan pikët, derisa Gjilani po lufton për titullin e kampionit. Skifterat” janë tri pikë prapa Ballkanit, i cili dje e mposhti Dritën në lojën kryesore të kësaj fundjave.
Gjilani do të mundohet ta shfrytëzojë formën e dobët të kryeqytetasve, për t’i marrë të tri pikët nga ky takim.
Tjetër takim na pret në stadiumin ‘Sami Kelmendi’ në Lipjan ku Ulpiana pret Drenicës. Vendasit janë në kërkim të pikëve për t’i ikur pozitës së tretë nga fundi, derisa Drenica ndodhet e pesta por dëshiron të mbetet e qetë me një rezultat pozitiv në Lipjan.
Kurse, dueli tjetër zhvillohet në Drenas, ku Feronikeli pret Dukagjinin e Klinës, me skuadrën mysafire që është favorit për ta fituar takimin..
