Ish futbollisti i mirënjohur, Artim Shaqiri, është drejtori i ri sportiv i kampionit në fuqi të Maqedonisë së Veriut, Shkendija nga Tetova.
Ish reprezentuesi i Maqedonisë, një nga futbollistët më të mirë në histori, i tha “po” ofertës së kampionit në fuqi për drejtor sportiv në periudhën e ardhshme. Kjo do të thotë se Artimi pas dhjetë vitesh është rikthyer te Shkendija, te klubi ku në vitet 2012-2013 ka qenë edhe shef i shtabit profesional.
Sipas mediumit maqedon, “Sportmedia”, Shaqiri ka nisur punën para disa ditësh, ai është çdo ditë në klub, në stërvitjet e skuadrës, dëshiron që sa më shpejt të ketë një pasqyrë të plotë se cila është puna e tij.
“Shkendija ka kohë që nuk ka drejtor sportiv, ka bërë zgjidhjen e duhur.
Shaqiri me njohuritë dhe përvojën e pasur të lojës dhe trajnerit, si dhe me autoritetin e tij, do t'i "shtrëngojë" pak gjërat në klub.
Dihet se Shkendija në tre vitet e fundit ka skuadrën më të mirë në Maqedoni”, shkruan mes të tjera “sportmedia”.
