Asllani po vazhdon që të luajë si titullar me ekipin e Empolit. Vetëm 19-vjeç, por mesfushori shqiptar me tipare shkatërruese është duke fituar shumë eksperiencë mbi shpatulla në elitën e futbollit italian.
Në ditën e sotme, Empoli barazoi pa gola në transfertë ndaj Genoas.
Një meritë të madhe në këtë rezultat e ka padyshim Asllani.
Një gol të sigurt do të mohonte në pjesën e parë duke hequr topin që po shkonte drejt rrjetës. Ndërkohë Reja e konfirmoi si risi në miqësoren e fund muajit ndaj Spanjës.
