Mallorca-s nuk i ndahen humbjet. Ata pësojnë humbjen e katërt rresht.
Celta Vigo ka shënuar fitore me rezultat 4:3 ndaj Mallorca-s.
Sulmuesi i Kombëtares së Kosovës, Vedat Muriqi, u paraqit nga minuta e parë, ndërsa u ndëshkua me karton të verdhë në minutën e 66-të. Muriqi siguroi penallti për Mallorca-n.
Për Celta Vigon realizuan Galhardo (13'), Suarez (25'), Aspas (61' e 90+6’-nga penalltia) dhe për Mallorca-n Gonzalez (17'), Aidoo (49'-autogol) e Sevilla (87’- nga penalltia).
Në minutën e 86-të, Mallo i Celta Vigo u përjashtua me karton të kuq pas dy të verdhëve.
Pas javës së 27-të në kampionatin spanjoll, Celta zë pozitën e 10-të me 35 pikë e Mallorca është e 16-ta me 26 sosh.
