Gianluigi Donnarumma vazhdon të jetë entuziast për zgjedhjen që ka bërë duke iu bashkuar PSG-së. Ish-portieri i Milanit, i cili pas pak ditësh do të grumbullohet me Italinë për ndeshjet “play off” të “Katar 2022”, ka dhënë një intervistë për “BeIn Sports”, duke shpjeguar dhe arsyet që e çuan drejt kryeqytetit francez.
Donnarumma përsëriti se një rol kyç në zgjedhjen përfundimtare ka luajtur Gianluigi Buffon, paraardhësi i ish-lojtarit të Milanit jo vetëm si elementi kryesor mes shtyllave të Italisë, por edhe si portier i PSG-së.
“Buffon më tha të vij këtu dhe të bëj historinë e këtij klubi”, – tha Donnarumma.
Gigio më pas zbuloi se si “marrëveshja” e PSG-së ishte e gjatë dhe këmbëngulëse, pavarësisht se zyrtarizimi erdhi vetëm në mes të korrikut, pas përfundimit të Euro 2020: “PSG nuk hoqi dorë kurrë nga unë, ardhja këtu ishte fati im:
Jam shumë krenar që jam pjesë e këtij klubi”.
