Karim Benzema është në qendër të vëmendjes pas tre golave që kualifikuan Realin në Europë përballë PSG.
Sulmuesi francez ka pasur një vazhdimësi të “frikshme” në këto sezonet duke e renditur emrin e tij mes më të mirëve të futbollit. Madje, për Antonio Cassanon, francezi është më i mirë edhe se Cristiano Ronaldo teksa ish-sulmuesi italian thekson se Benzema ka instiktin e një vrasësi në zonë ndërsa shton se nga ana e kualitetit është si Zinedin Zidan.
“Për mua Benzema është unik, ka instiktin e një “vrasësi”, është një numër 9 i vërtetë.
Ka kualitetin e Zidan dhe unë do ta vendosja atë në pesë numrat 9 më të mirë së bashku me Van Basten, Lewandowski, Ronaldo dhe Ibrahimovic.
Për mua është shumë më i fortë se Cristiano Ronaldo, portugezi kërkon të shënojë me çdo kusht dhe i “shpartallon” portat, por Benzema ka më shumë kualitet.
Vetëm mendojeni pak, Benzema është golashënuesi i tretë më i mirë në historinë e kombëtares së Francës por për gjashtë vite nuk ka qenë pjesë e tyre”, u shpreh Cassano.
