Laçi do të kërkojë rikthimin te fitorja në kampionat ditën e sotme kundër Skënderbeut në orën 13:45. Kurbinasit luajnë në shtëpi, teksa pas humbjes ndaj Tiranës dhe dy barazimeve radhazi kundër Egnatias dhe Kastriotit, të besuarit e Mirel Josës duan të lënë pas momentin e keq që po kalojnë.
Ndërkohë te Skënderbeu, ditën e sotme do të debutojnë në stolin korçar, trajneri Skënder Gega, i cili zëvendësoi, Migen Memellin. Tekniku tropojan do të tentojë ta nisë me këmbën e mbarë aventurën te juglindorët.
Të dy trajnerët kanë bërë publike edhe formacionet zyrtare, ku nuk mundojnë surprizat. Lacci zbret në fushë me skemën 4-3-3, ndërkohë që Gega ka vendosur t’i besojë skemës së Memellit 3-5-2.
FORMACIONET ZYRTARE:
LAÇI: Dajsinani, Roganoviç, Velkoski, Ziko, Malota, Shehu, Spahiu, Ujka, Mazrekaj, Akiniemi, Guindo.
SKËNDERBEU: Rexhepi, Zguro, Vitija, Shehi, Sadriu, Frashëri, Zhan Viktor, Dumfur, Mara, Berisha, Mensah.
