Tema kryesore në shtëpinë e Liverpool-it është e ardhmja e Mohamed Salah. Prej disa javësh flitet për rinovimin e sulmuesit egjiptian që akoma nuk po vjen.
E vështirë të kuptohet se cilat janë arsyet, por te Të Kuqtë duket se nuk ka shumë shqetësim.
Megjithatë, ka nga ata që kanë dalë hapur dhe i kanë dhënë një mesazh të qartë lojtarit, shkruan Telesporti.
Si Rio Ferdinand, i cili ka thënë për BT Sport:
“Liverpool-i duket në një pozicion të fortë në këtë moment. Skuadra është në formë dhe po merr rezultate të rëndësishme. Mendoj se Salah do të thotë (në takimin për rinovimin) ‘Unë jam mes më të mirëve në botë në rolin tim. Dua këtë edhe atë’.
“Liverpool-i do të përgjigjet se ka disa parametra të caktuar. Pyetja e vërtetë është çfarë do të bëjë Salah. Do të bëhet një yll dhe një idhull i padiskutuar i Liverpool-it, duke respektuar tavanin e rrogave që do klubi, apo bëhet fjalë vetëm për para? E ardhmja do të na e japë këtë përgjigje”.
